Minstens ‘n dosyn regeringswebwerwe het Dinsdag van lyn gegaan nadat ‘n groot onderbreking die digitale uitset van Suid-Afrika se openbare instellings lamgelê het.
Baie werwe wat eindig met gov.za is deur die stilstand geraak. Dit is nie duidelik wat hierdie tegnologiese nagmerrie veroorsaak het nie.
’n Klomp klagtes is reeds op sosiale media geregistreer. Binne die laaste uur is mense afgeraai om webwerwe te besoek wat aan Binnelandse Sake, StatsSA en selfs die Presidensie behoort.
Die parlement, SAID, COGTA en die meeste provinsiale en metrodienswebwerwe bly egter onaangeraak.
Geen aanduiding is nog gegee oor hoe lank hierdie onderbrekings kan duur nie.
Ander regeringswebwerwe, insluitend SAPD, die Nasionale Tesourie en e-dienste, was ook Dinsdagoggend van lyn af.
Die tuisblaaie van verskeie ministeries, wat wissel van Arbeid en Toerisme tot Handel en Onderwys, kon ook nie laai toe dit besoek is nie.
Interessant genoeg lyk dit of Suid-Afrika nie die enigste land is wat vandag met hierdie probleem te kampe het nie.
Amptelike bronne in Albanië het bevestig dat hul regeringswebwerwe ook afgegaan het, met verwysing na ‘n moontlike “kuberaanval”.
Daar is geen bevestiging dat die situasie in die Oos-Europese land met die situasie in SA verband hou nie, maar dit kan verander soos meer besonderhede bekend word.
Bronne: MSN, The South African, Tame Times
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
