Bedryfshoof Jan Oberholzer het bekendgemaak dat Eskom beurtkrag heeltemal “tien dae van nou af” wil laat vaar.
Sou hierdie voorneme nagekom word, sal Suid-Afrika op Donderdag 21 Julie vir die eerste keer vry van beurtkrag wees.
Tydens ‘n media-inligtingsessie wat Maandagoggend gehou is, het Oberholzer ook gesê daar “bly groot risiko’s ” as gevolg van die energienetwerk se aanhoudende onvoorspelbaarheid.
Hy het egter laat deurskemer dat SA teen Vrydag, voor ‘n einde aan beurtkrag bereik kan word, in Fase 3 kan inbeweeg.
Die onlangse kragonderbrekings is die ergste volgehoue tydperke van beurtkrag wat nog ooit in Suid-Afrika ervaar is.
Verbruikers is keelvol vir die chaos wat Eskom verswelg, en toonaangewende sakefigure vra André de Ruyter, uitvoerende hoof, se bedanking. Beide De Ruyter en Oberholzer bly egter aan die stuur.
Die perskonferensie is ook gebruik om stakende werkers, wie se nywerheidsoptrede die beurtkragskedules verskerp het, te looi.
Stakers is geblameer vir ‘n vertraging om sleutelkrageenhede weer aanlyn te bring.
“Eskom se voorneme is om beurtkrag binne 10 dae op te hef. Daar bly egter groot risiko’s as gevolg van die onvoorspelbaarheid en onbetroubaarheid van die netwerk. Ses stasies is deur die onwettige staking geraak en geen instandhouding kon uitgevoer word nie. Die terugkeer van Koeberg Eenheid 2 is ook vertraag,” het Jan Oberholzer gesê.
Eskom says it intends to lift load shedding in 10 days time. But the power utility says large risks remain due to the unpredictability and unreliability of the system. The unlawful strike has also added to the backlog in maintenance. #Smile904fmnews
— Smile90.4 FM (@Smile904FM) July 11, 2022
Bronne: MSN, The South African, BusinessTech, Twitter
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus.
Lees ook: Warrick Gelant, Deon Fourie blameer ‘foute’ vir Springbok-nederlaag
