‘n Minderjarige bestuurder is Sondagoggend op Pretoriaweg in Silverton, Pretoria-Oos in ‘n hoë impak botsing dood.
Twee voertuie was in ‘n groot botsing betrokke. Een van die voertuie het van die middelste middellyn weggedraai en teen ‘n metaalpaal gebots.
Volgens Emer-G-Med is drie manlike beseerdes, almal vermoedelik 16 jaar oud, vasgevang in die wrak van die voertuig wat om die paal gedraai was, gevind.
Die bestuurder sowel as een passasier van die voertuig was in ‘n kritieke toestand. Die derde insittende het matige beserings opgedoen.
“Met die hulp van die Tshwane-brandweer sowel as die Gautengse provinsiale regering se reddingseenheid, is begin om die beseerdes uit die wrak te bevry.
“Ongelukkig het die minderjarige bestuurder gesterf terwyl hy nog in die voertuig vasgekeer was en hy is deur paramedici op die toneel dood verklaar,” sê Emer-G-Med.
Die kritiek beseerde passasier is ook met reddingskake losgesny en deur Emer-G-Med se gevorderde lewensondersteunende paramedici op ‘n ventilator geplaas.
Weens die aard van sy beserings is ‘n besluit geneem om hom na ‘n spesialisfasiliteit te vervoer. Die insittendes van die ander voertuig het glo slegs ligte beserings opgedoen.
Bronne: MSN, The South African, Times LIVE
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus.
Lees ook: Elon Musk wil uit $44 biljoen-transaksie vir Twitter onttrek
