Met dié dat Eskom se ligte al dowwer brand en die land in fase ses-duisternis gedompel is, is Suid-Afrikaners desperaat en keelvol, insluitend die rapper AKA.
Hy het Dinsdag 28 Junie opslae gemaak toe hy Elon Musk in ‘n twiet vir hulp gevra het. Maar sy twiet het geboemerang nadat Suid-Afrikaners AKA daarvan beskuldig het dat hy hulle “in die verleentheid stel”.
Met Elon Musk wat bekend is daarvoor dat hy willekeurig op Twitter-twiets reageer, het AKA ‘n kans gewaag om ‘n skoot na die Tesla-stigter te waag.
Hy het getwiet: “Verskoon my, meneer Elon Musk. Ek kan regtig nie verstaan hoekom die regering jou nie genader het om ons te kom help met hierdie elektrisiteitskrisis nie. Is daar enige kans dat jy dalk vir ons kan help, jy weet, met dié dat jy hier gebore is en so?”
Hy het in ‘n aparte twiet bygevoeg: “Asseblief Elon Musk. Ek weet jy het ‘n oplossing vir beurtkrag. Doen dit vir jou land … jou oorspronklike een”.
AKA se twiets volg op Eskom se skielike besluit om fase ses-beurtkrag te implementeer weens die energieverskaffer wat sedert Maandag oornag 10 opwekkingseenhede verloor het.
Bronne: MSN, Headtopics
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus.
