Die Switserse voedselreus, Nestlé, het gewaarsku dat hy voortgaan om die pryse van sy produkte te verhoog weens die stygende koste van voedsel.
Die vervaardiger van Kit Kat-sjokoladestafies, Nesquik, Milo, Maggi-noedels, Ricoffy en meer, het in die eerste drie maande van die jaar sy pryse met meer as 5% verhoog.
Die prysstyging het Nestlé gehelp om verkoopsgroei van 7,6% in dié tydperk aan te teken.
Namate kostes styg, het Nestlé se uitvoerende hoof, Mark Schneider, gesê “verdere prysbepalings en besnoeiings sal in die loop van die jaar” nodig wees.
“Ons het pryse op ‘n verantwoordelike wyse verhoog en volgehoue verbruikersvraag gesien,” het Schneider bygevoeg.
Volgens die Verenigde Nasies se voedselprysindeks is voedselpryse wêreldwyd tans op sy hoogste.
