Woolworths is die eerste kleinhandelmaatskappy in Suid-Afrika wat sy kookolie beperk het tot twee eenhede per verbruiker.
In ‘n verklaring wat deur Woolworths uitgereik is, sê hul hul streef daarna om hul prysstygings tot ‘n absolute minimum te beperk.
“Daar is egter omstandighede wat dikwels buite ons beheer is wat ‘n impak op prysaanpassings het.
“Ons sal ‘n prysaanpassing slegs as ‘n laaste uitweg aanvaar nadat ons alle weë ondersoek het om een te voorkom. Op grond van ons langtermynverhoudings met ons verskaffers, werk ons saam met hulle om die beste te verstaan hoe ons prysverhogings kan terughou.
As gevolg van die ongekende Oekraïne-Rusland-krisis, het ons die koste-impak in oliekommoditeite gesien en as gevolg van voorraadopbou, het ons ook voorlopig die aankoop tot 2 eenhede per klant beperk,” lui die verklaring.
