Volgens Business Insider het die prys van sonneblomolie die afgelope 60 dae met 55% gestyg en canola-olie met 40% en sal die verhogings in die volgende 30 dae op kleinhandelaars se rakke begin weerspieël.
Die kommersiële direkteur van SOILL, Morne Botes, sê verbruikers kan verwag dat die prys van twee liter olie tussen R100 en R120 rand sal wees.
As gevolg van die Russiese inval in Oekraïne het die pryse van verskeie noodsaaklike kommoditeite gestyg, insluitende olies soos sonneblomolie.
Hoewel Suid-Afrika groente-olie produseer, lewer dit nie genoeg om aan die plaaslike vraag te voldoen nie.
