Kerklede van die Bethesda Christian Centre het in Desember ‘n brief aan die departement van maatskaplike ontwikkeling geskryf om kommer uit te spreek oor die miljoene rande wat hulle glo deur hul pastoor, Clement Ibe, gesteel is.
Ibe het glo nou na die VSA gevlug. Die kerklede beweer dat Ibe en sy direksie meer as 20 jaar lank versuim het om vir die kerk se miljoene verantwoording te doen voordat hy Suid-Afrika verlaat het.
Die lede het ook die saak by die Valke aangemeld om uit te vind wat met die finansies van die kerk gebeur het, asook hul eiendomsprojek ter waarde van R90 miljoen.
Volgens ‘n Sunday World-berig is die organisasie se eiendomsprojek sonder hul goedkeuring onder Ibe se maatskappy – World Outreach – geregistreer.
Die brief aan die departement van maatskaplike ontwikkeling lui soos volg: “Ons glo geld is gewas om dit te finansier, terwyl ons kerk hoofsaaklik in Suid-Afrika bedrywig is en as ‘n gemeenskapskerk betrokke is en nie as ‘n internasionale operasie nie. Ons is oortuig dat pastoor Clement Ibe vasbeslote is om voort te gaan om die kerk se hulpbronne te misbruik en geld vir persoonlike gewin te herlei.”
Die departement van maatskaplike ontwikkeling het die kerk nou beveel om die vorige raad te ontbind en ‘n tussentydse een te kies.
Bronne: MSN, The World News
Volg FiND iT hier.
Lees ook: Polisie was gereed om Will Smith tydens Oscars in hegtenis te neem, sê vervaardiger
