Onthou jy nog die smaaklike Cremoratert uit jou kinderdae? Hier deel Rita Smit haar heerlike en maklike Cremoratert-resep.
Bestanddele:
- 250 g Cremora
- 1 blikkie kondensmelk
- 250 ml suurlemoensap
- 250 ml kookwater
- 1 pakkie Tennisbeskuitjies
- 125 ml botter of margarien
Metode vir Cremoratert:
- Smelt die botter in die mikrogolf en kap die Tennisbeskuitjies fyn. Hou bietjie van die beskuitjies eenkant om bo-oor die tert te strooi. Die res meng jy met die botter om die tertkors te maak.
- Spuit ’n tertbak met Spray & Cook en druk die krummels met die botter gemeng in die bak vas.
- Meng die Cremora en kookwater totdat dit glad is – laat dit afkoel.
- Klits die kondensmelk en die suurlemoensap totdat dit begin styf word.
- Klits nou die Cremora-mengsel by die kondensmelkmengsel.
- Skep uit in jou tertbak en strooi die koekiekrummels bo-oor.
- Sit die tert in die yskas en laat dit vir twee ure stol.
