Die bekende Aquaman-akteur, Jason Momoa, is na 16 jaar enkellopend. Jason Momoa (42) en Lisa Bonet (54) het vandeesweek die verbrokkeling van hulle huwelik aangekondig.
Die paartjie is in Oktober 2017 getroud nadat hulle meer as ’n dekade uitgegaan het. Dit was die eerste huwelik vir Momoa en die tweede vir Bonet wat van 1987 tot 1993 met die rockster Lenny Kravitz getroud was.
Momoa en Bonet het twee kinders saam, Nakoa-Wolf Manakauapo Namakaeha Momoa (13) en Lola Iolani Momoa (14).
Volgens die paartjie is die besluit gesamentlik geneem.
“Ons het almal die druk en veranderinge van hierdie transformasietye gevoel,” het die egpaar Woensdag in ’n verklaring op Momoa se Instagram gesê.
“Ons voel die druk en verandering van hierdie tye van transformasie. ’n Rewolusie is besig om te ontvou – en ons gesin is geen uitsondering nie … voel en groei van die seismiese verskuiwings wat plaasvind.
“En so – Ons deel ons familienuus: Dat ons paaie in die huwelik skei. Ons deel dit nie omdat ons dink dit is nuuswaardig nie – maar sodat – terwyl ons met ons lewens aangaan, ons dit met waardigheid en eerlikheid kan doen.”
