NOORD-WES. – ‘n Eskom-toring het Dinsdag in Marikana in Noord-Wes ineengestort.
Eskom het in ’n verklaring gesê die Bighorn Pluto-toring het ineengestort weens vandalisme en diefstal en het mense gewaarsku om van elektrisiteitstrukture af weg te bly.
Eskom-toring val
“Behandel asseblief die lynstruktuur as lewendig en as ’n veiligheidsmaatreël. Ons versoek gemeenskappe om Eskom-werknemers die ruimte te gee om aan die lyn te werk en om herstel van die toerusting te verseker,” lui die verklaring.
Eskom het ook die geleentheid gebruik om Suid-Afrikaners te versoek om die gebruik van elektrisiteit te verminder.
“Ons kragstelsel is onder erge druk. Skakel asseblief alle onnodige ligte, jou geiser, swembadpomp en nie-noodsaaklike toestelle af.”
Eskom het gemeenskapslede aangemoedig om enige onwettige verbintenisse of vandalisme by sy toegewysde misdaadlyn 0860 037 566 aan te meld.
