Hierdie maklike en vinnige poeding is soet en lekker. Jy kan dit binne minute maak en dit sal elke soettand tevrede stel.
Bestanddele:
- 1 blikkie (290 g) nagereg-kookroom
- 1 blikkie (360 g) mentgegeurde Caramel Treat
- 2 pakkies sjokoladementkoekies
- 1 houertjie (250 g) vars room (opsioneel)
- karamelsous (opsioneel)
Metode:
- Klop die blikkie nagereg-kookroom saam met die blikkie Caramel Treat tot glad en dik.
- Druk die koekies fyn.
- Strooi een laag fyngedrukte koekies op die bodem van ’n nageregglas of -bakkie.
- Bedek dan met ’n laag roomkaramelmengsel.
- Hou so aan tot die glas of houer vol is.
- Klop die vars room styf, indien jy dit gebruik.
- Skep dan die vars room bo-op die poeding.
- Drup karamelsous oor die vars room en sprinkel ‘n klein bietjie fyngedrukte koekies bo-oor.
- Plaas vir ’n halfuur in die yskas en geniet.
