April 20, 2021

Mev. Wêreld pluk kroon van Mev. Sri Lanka se kop af

Dit is toe wat sy die kroon voor die gehoor van De Silva se kop afruk en aan die eerste prinses oorhandig

Mev. Wêreld in hegtenis na kroongryp-voorval

Mev. Wêreld in hegtenis na kroongryp-voorval Foto: Independent

Die wenner van die Mev. Sri Lanka-skoonheidskompetisie het in die hospitaal met ‘n kopbesering beland nadat haar kroon tydens die seremonie van haar kop afgepluk is.

Die lelike toneel het ontvou oomblikke nadat die skoonheidskoningin, Pushpika De Silva, Sondagaand die Mev. Sri Lanka-titel in die Colombo-teater verower het en sy kortstondig deur die premier, Mahinda Rajapaksa, se vrou, Shiranthi Rajapaksa, gekroon is.

Glo geskei

Mev. Wêreld, Caroline Jurie, wat tydens die seremonie teenwoordig was, het skielik op die verhoog verskyn en aangekondig dat De Silva gediskwalifiseer is en nie die titel kan kry nie omdat sy geskei is.

Dit is toe wat sy die kroon voor die gehoor van De Silva se kop afruk en aan die eerste prinses oorhandig.

Kopbeserings

De Silva het direk nadat haar kroon verwyder is, van die verhoog af geloop. Sy is later in die hospitaal opgeneem met kopbeserings.

Kroon teruggegee

Volgend Independent het die skandaal geëindig met die organiseerders van die geleentheid wat die wenner om verskoning gevra het en haar titel teruggegee het.

Alhoewel De Silva nie saam met haar man bly nie, is sy nie geskei nie. Nadat die organiseerders dit bevestig het, het hulle die kroon teruggegee en om verskoning gevra vir Jurie se skandalige gedrag.

Kyk die video hier:

Leave a Reply

Your email address will not be published. Required fields are marked *

%d bloggers like this: