Daar is soveel maklike en vinnige hoendermaaltye wat jy kan maak met net vyf bestanddele.
Vandag kyk ons na ‘n resep vir geroosterde tamatie-soja-en-sesamhoender.
Geroosterde tamatie-soja-en-sesamhoender
Bedien hierdie eenvoudige geroosterde hoender – gegeur met tamatiepasta, sesamsaad, sesamolie en sojasous – met rys, vir ‘n vullende en heerlike maaltyd.
Bestanddele
2 eetlepels tamatiepasta
2 eetlepels sesamsaad
1 eetlepel sesamolie
2 eetlepels soet sojasous
500 g hoenderdyfilette
Metode
Verhit die oond tot 180°C. Sit bakpapier op ‘n bakplaat en hou eenkant.
Voeg tamatiepasta, sesamsaad, sesamolie en soet sojasous in ‘n mengbak en klits met ‘n vurk tot goed gemeng.
Bedek die hoenderdyfilette met die mengsel en plaas dit op die voorbereide bakplaat.
Bak vir 25 tot 30 minute en sit dit dadelik voor saam met jou keuse van rys of slaai.
Wenk: Bedek die maatlepel met sesamolie sodat die soet sojasous maklik afgly.
Bron: www.tasty.co
