President Cyril Ramaphosa het vanaand die nasie toegespreek en strenger maatreëls aangekondig. Dit volg na dr. Zwelini Mkhize, minister van gesondheid, die week aangekondig het die tweede vlaag van Covid-19 het in Suid-Afrika uitgebreek.
Die land het die afgelope 24 uur 7 999 nuwe Covid-19-infeksies aangeteken.
Hier is die reëls wat nou in plek gestel is:
- Die Sarah Baartman-distrik en die Tuinroete-distrik is nou as brandpunte verklaar;
- Alle klante en werkers van winkels, sowel as van openbare vervoer, moet maskers dra en ontsmet;
- Geen byeenkomste, veral sosiale byeenkomste en partytjies, sowel as kerkbyeenkomste mag deur meer as 100 mense vir binnehuise byeenkomste en 250 vir buitenhuise byeenkomste bygewoon word nie;
- Geen “after tears”-partytjies mag na begrafnisse gehou word nie;
- Strande en openbare parke in brandpunte sal vanaf die 16de Desember tot 3 Januarie 2021 gesluit word;
- Strande en openbare parke in KwaZulu-Natal sal ook op vakansiedae gesluit wees;
- Parke sal in die Noord-Kaap oop bly van 09:00 tot 18:00;
- Geen konserte mag gehou word nie;
- Geen feeste by strande word toegelaat nie;
- Die aandklokreël is nou vanaf 11:00 tot 04:00;
- Kroeë en restaurante moet om 22:00 sluit;
- Wynverkope op wynlandgoedere bly soos dit tans is;
- Alkohol sal net van 10:00 tot 18:00 van Maandae tot Donderdae verkoop word;
- Geen alkohol mag in openbare ruimtes gebruik word nie.
