Talle Suid-Afrikaners het gisteraand in hulle huise, tuine, ondernemings of by geboue ‘n rooi lig laat skyn as deel van die Light SA Red-inisiatief.
Hierdie inisiatief se doel is om die regering bewus te maak van die nood waarin die kunstebedryf homself bevind te midde van die Covid-19-pandemie.
Die rooi ligte wou bewustheid skep oor die hoeveelheid kuns- en feesgeleenthede wat weens die virus afgestel is.
Suid-Afrikaners het foto’s van rooi geboue en standbeelde wyd op sosiale media versprei.
