Die koronasyfer in Suid-Afrika het oornag met meer as 11 000 gevalle gestyg. Daar is nou ’n totaal van 287 796 positiewe gevalle in Suid-Afrika.
Die Nasionale instituut vir oordraagbare siektes (Nios) het in ’n verslag bekendgemaak die Noord-Kaap is steeds die provinsie met die minste aantal persone wat positief vir die virus getoets het. Die Noord-Kaap het 1 522 gevalle. Gauteng is steeds die provinsie met die meeste aantal gevalle. Daar is tans 103 713 positiewe gevalle van die virus in dié provinsie.
Daar is nou ’n totaal van 4 172 sterftes en 138 241 persone is al van die virus genees.
