Die nuutste koronasyfers in Suid-Afrika is gister deur dr. Zwelini Mkhize, die minister van gesondheid, bekendgemaak.
Ná die laaste aankondiging op 11 Junie het die aantal gevalle met 3 359 gestyg, wat beteken daar is nou ’n totaal van 61 927 Covid-19-gevalle in Suid-Afrika.
Die land se sterftesyfer staan op 1 354 en 35 008 persone is al van die virus genees.
Die land se gesondheidspanne en hospitaalgroepe kon tot op hede 1 060 927 toetse vir Covid-19 doen.
