Maak ’n lekker warm sagopoeding wat jy voor die kaggelvuur kan verorber.
Bestanddele:
250 ml sago
1 l melk
4 goed geklitste eiers
5 ml vanieljegeursel
1 ml sout
150 ml suiker
30 ml botter
45 ml appelkooskonfyt
Metode:
Week sago in koue water vir ‘n uur. Verhit melk, botter, suiker en sout. Roer sago in. Verminder hitte en hou aan roer tot sago gaar is. Verwyder van hitte. Voeg eiers en vanielje by. Skep in gesmeerde oondbak. Plaas in die oond en bak teen 180°C vir 45 minute tot gaar. Wanneer dit gaar is, maak die konfyt warm en smeer dit oor die nagereg. Bedien saam met vars room, vla of roomys.
