President Cyril Ramaphosa sal vandag ‘n NEDLAC-vergadering lei om die vooruitsig van vlak drie van inperking in sommige provinsies te bespreek, lui ‘n verklaring deur die regering uitgereik.
Die vergadering van NEDLAC se kiesafdelings van die regering, arbeid, gemeenskap en sake is die begin van ‘n wye konsultasie, soos belowe deur president Ramaphosa, tussen die regering en verskillende sektore van die samelewing en die ekonomie oor die moontlike vordering tot by vlak 3.
Hierdie vlak behels die heropening van die ekonomie en die opheffing van beperkings op beweging.
Daar sal tydens die vergadering gefokus word op die versagting van die impak wat die pandemie op Suid-Afrika se ekonomie het.
President Ramaphosa het sedert die begin van die Covid-19-pandemie in die land met verskillende sektore saamgewerk oor die bestuur van die nasionale ramptoestand.
