Die nuutste aantal gevalle van die koronavirus in Suid-Afrika is pas deur dr. Zwelini Mkhize, minister van gesondheid, bekendgemaak.
Daar is nou ’n totaal van 4 793 Covid-19-gevalle. Daar is dus ná gister se aankondiging 247 nuwe gevalle bevestig.
Daar is volgens die minister in totaal 90 sterftes weens Covid-19 in SA bevestig en altesaam 1 473 persone is al van dié virus genees.
Die minister sê verder die land se gesondheidspanne en hospitaalgroepe kon tot op hede 178 470 toetse vir Covid-19 doen.
Van die 17 gevalle wat in die Noord-Kaap aangemeld is, is 11 in die Frances Baard-distrik, 3 in die Namakwa-distrik, 1 in die Pixley ka Seme-distrik en 2 in die ZF Mqcawu-distrik. Geen gevalle is in die JTG-distrik bevestig nie.
