Die Suid-Afrikaanse weermag kan ontplooi word om die strate te patrolleer in ’n poging om die verspreiding van die COVID-19 koronavirus te stop. ’n Moontlike nasionale “noodtoestand” – die eerste wat in meer as 30 jaar in SA verklaar is – kan as ’n laaste uitweg ingestel word as die dreigende afsluitingsmaatreëls nie die verspreiding van die virus stop nie.
Zweli Mkhize, minister van gesondheid, het Donderdag aan Sunday Times gesê die moontlike maatreëls sal verder strek as die bestaande maatreëls, wat insluit ’n verbod op sosiale en godsdienstige byeenkomste, die sluiting van kroeë en sjebiens om 18:00 en die sluiting van openbare ruimtes.
Mkhize het gesê die regering sal geleidelik strenger maatreëls instel namate die virus versprei voor die erge geval van ’n nasionale stilstand.
Mkhize het Donderdag gesê wetenskaplike voorspellings dui daarop dat 60% -70% van die mense in SA besmet sal wees met Covid-19. As die koers nie vertraag word nie, sal die openbare gesondheidstelsel dit nie kan hanteer nie. Hy het aan Sunday Times gesê indien die huidige beperkings nie die verspreiding van die virus beperk nie, die weermag binnekort die strate sal patrolleer om dit af te dwing.
