Hierdie kleiresep is maklik om te maak en ook veilig indien jou kleintjie besluit om daaraan te proe.
Bestanddele:
- 1 koppie meel
- ½ koppie tafelsout
- 2 eetlepels kremetart
- 1 eetlepel olie
- 1 koppie gekookte water
- koekkleursel
Metode:
- Meng die meel, sout en kremetart. Maak seker jy meng dit goed.
- Voeg die olie by.
- Meng ’n paar druppels koekkleursel met die koppie gekookte water en meng dit dan by die droë bestanddele.
- Meng alles goed en brei dit met jou hande totdat dit nie meer taai is nie.
- Laat dit heeltemal afkoel en draai dit in kleefplastiek toe. Plaas dit in ’n lugdigte houer en bêre dit by kamertemperatuur vir ses maande.
