NOORD-KAAP. – ’n Beampte vir immigrasie by binnelandse sake is in die Springbok-streekhof tot twee jaar gevangenisstraf of ’n boete van R30 000 gevonnis in verband met ’n saak van korrupsie.
Brig. Mohale Ramatseba, polisiewoordvoerder, sê Readwell Koko is aan korrupsie en die oortreding van die Immigrasiewet skuldig bevind.
“Koko was onder die polisie-radar terwyl hy sy korrupsie-aktiwiteite in die Vioolsdrift–grensgebied uitgevoer het.”
Ramatseba sê die beskuldigde is ook drie jaar gevangenisstraf opgelê, wat opgeskort is, omdat hy die Immigrasiewet oortree het.
