Die DFO-amptenaar by die Roodepan-polisiekantoor, waarskuwingsbeampte Viola Nkomombini, in samewerking met die plaaslike GPF en plaaslike eienaars van drankwinkels in Roodepan en Homevale, het hulle “Ons sal voldoen”-veldtog vandag 29 Oktober 2019 in die Sony Leon-biblioteek bekendgestel.
Die doel van die geleentheid is deur W/O Nkomombini verduidelik. Sy het gesê dat eienaars van drankwinkels weer aangespoor word om die regulasies van die Noord-Kaapse Provinsiale Drankwet 2 van 2008 na te kom.
Tydens haar toespraak het W/O Nkomombini die deelnemers in kennis gestel dat sy die besoeke aan hulle persele gaan verskerp om te verseker dat hulle voldoen aan die voorwaardes wat in hulle dranklisensies uiteengesit is. Wettige eienaars moet aan hierdie vereistes voldoen en onwettige sjebiens sal gesluit word. Sy het ook ’n beroep op eienaars gedoen om die veiligheid van hulle persele te verbeter om sodoende misdaad in en om hulle persele te verminder.
Die geleentheid is afgesluit toe die taverne-eienaars ’n belofte onderteken het wat by hulle onderskeie persele vertoon sal word, wat hulle aan die voorwaardes verbind.
