POSTMASBURG – Die polisie op Postmasburg, in samewerking met drankwinkels het suksesvol die “We Will Comply”-inisiatief op die dorp begin.
Brig. Mohale Ramatseba, kommunikasiehoof vir die polisie in die Noord-Kaap, sê ondernemings met dranklisensies het ‘n belofte onderteken dat hulle aan die bepalings van die Noord-Kaapse drankwet sal voldoen.
Ondernemings belowe om:
- Nie drank aan bedwelmde persone te verkoop nie;
- By handelsure te hou;
- Nie drank aan minderjariges te verkoop of minderjariges in diens te neem nie;
- Slegs handel te dryf indien ’n geldige dranklisensie uitgereik is;
Ramatseba sê eienaars het kennisgewingborde ontvang om in die onderneming te vertoon, om die gemeenskap op te voed oor die toegelate handelsure.
