Die SAPD se eenheid vir provinsiale openbare orde polisiëring in Kimberley het twee verdagtes in hegtenis geneem oor vermoedelik gesteelde goedere wat in ‘n veld in Florianville, Kimberley, gevind is. Op Donderdag 27 Junie 2019 omstreeks 07:15 het die polisie inligting oor gesteelde koper opgevolg. By hulle aankoms op die toneel het ‘n groep mense die koper wat in die veld versprei was, verbrand, maar die polisie het daarin geslaag om een man en een vrou te arresteer. Albei verdagtes is 33 jaar oud. Die koper van 217 kg het ‘n benaderde waarde van R16 000 en die polisie het ook ‘n sak klere en ander waardevolle items van die verdagtes gekonfiskeer.
In ‘n aparte voorval (ongeveer ‘n uur later) het lede van die SAPD-taakspan van die Francis Baard-distrik in Kimberley leidrade opgevolg en drie mans onderskeidelik 30, 35 en 42 jaar oud gearresteer vir die besit van vermoedelik gesteelde goedere. Die polisie het ook op mans in hegtenis geneem terwyl hulle koperkabels by Colville, Kimberley, in ‘n shanty verbrand het. Die koper van 78 kg het ‘n benaderde straatwaarde van R5 100. “Die provinsiale kommissaris van die Noord-Kaap, lt.- genl. Risimati Shivuri, bedank die SAPD-lede vir hulle vinnige en waaksame reaksie, asook die gemeenskap vir hulle hulp in dié verband.” Al die verdagtes moet binnekort in die Kimberley-landdroshof verskyn. Die ondersoek duur voort.
