Daar ontstaan gewoonlik ‘n debat oor of jy jou dier moet laat steriliseer of nie. Volgens ‘n veearts in Kimberley is daar voor- en nadele om jou dier te laat regmaak.
Maar kyk eers die kat uit die boom voor jy jou dier laat regmaak, want elke hond kry sy dag!
Voordele:
- Dit kan toekomstige kanker voorkom.
- Minder hormone beteken minder bakleiery tussen diere.
- Diere loop minder rond.
- Geen bloedspoortjies en kolle in jou huis en in jou bed nie.
- Geen gebasterde en ongewenste kleintjies nie.
Nadele:
- Sommige mense laat hulle diere regmaak om gedragsverandering te weeg te bring, byvoorbeeld om minder kwaai te wees. Dit gaan nie na die operasie noodwendig die geval wees nie.
- Studies bewys ook reuns wat te vroeg gesteriliseer word (vroeër as een jaar) ontwikkel soms kanker soos bv. Hemangiosarcoma.
- Alle operasies het risiko’s.
- Hormone help met groei en ontwikkeling. Indien jy jou dier te vroeg laat regmaak, kan dit die groeiproses beïnvloed.
Veearts se raad:
Daar is wel meer voordele as nadele, maar moenie jou dier te vroeg laat steriliser nie; ‘n dier moet eers groei.
