Sun. Mar 24th, 2019

Tiener twee dae na sy matriekafskeid, doodgesteek met mes

Foto: Boniface Ndlovu op sy matriekafskeid.(Facebook)

Boniface Ndlovu, ‘n gr. 12-leerling aan Emmanuel Sekondêre skool in Kimberley, is die naweek na bewering vir sy skoene vermoor.

Skoene gesteel

Ndlovu se skoene, wat hy na sy matriekafskeid Vrydagaand gedra het, is gesteel tydens die moord op hom Sondagoggend. Ndlovu het vroeg Sondagoggend saam met vriende gestap, toe hulle na bewering deur ’n groep mans oorval is.

Die voorval het naby die sportgronde van Stock & Stock gebeur. Hy was reeds dood toe sy familie op die toneel aangekom het.

Bekommerd oor misdaad

Andrew Louw, premierskandidaat van die DA, sê dié party is geskok deur die voorval en is bekommerd oor misdaad in Kimberley.

“Ons simpatie gaan uit na sy gesin. Ons kan ons nie indink wat die impak moet wees om ’n kind so jonk te verloor nie. Hy het groot drome gehad. Hy het goed gedoen in die skool.”

Geen verskoning vir moord

Louw sê moord deur middel van wapens soos messe, gebeur gereeld in Kimberley. “Dis nie die tipe gemeenskap waarin jy jou gesin wil grootmaak nie. Ons is bewus daarvan dat die huidige misdaad-situasie te wyte is aan polisielede wat nie ordentlik opgelei word nie, te min personeellede en te min hulpbronne. Daar is steeds géén verskoning vir moord nie!”

Louw sê die hele gemeenskap moet opstaan teen misdaad. “Op die ou end is jou kind my kind. Dit raak ons almal. Ons moet ’n verskil begin maak.”

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

%d bloggers like this: