April 20, 2021

Koffie-en-karamelsous-poeding

Dan is dié Koffie-en-karamelsous-poeding resep vir jou.

Koffie-en-karamelsous-poeding

Koffie-en-karamelsous-poeding

Soek jy ’n lekker resep vir daai Sondagmiddag-poeding? Dan is dié Koffie-en-karamelsous-poeding resep vir jou.

Bestanddele:

  • 1¼ koppie meel
  • 1 eetlepel bakpoeier
  • ’n knippie sout
  • 4 eetlepels botter
  • ½ koppie baie sterk koffie, afgekoel
  • 1 teelepel vanieljegeursel
  • 1 koppie bruinsuiker
  • ½ koppie gouestroop
  • 1 koppie room (of ingedampte melk), verkoel

Metode:

  • Sif die droë bestanddele saam in ’n oondvaste bak.
  • Smelt die botter en voeg dit saam met die koffie en vanieljegeursel by die die beslag.
  • Roer dit een of twee keer liggies deur, maar moenie dit te veel meng nie.
  • Sprinkel die bruinsuiker oor die beslag en gooi dan die gouestroop en laastens die room oor, sonder om dit enigsins te roer.
  • Dit lyk dalk nou of die resep gaan flop, maar moenie skrik nie.
  • Bak die poeding vir 40 minute teen 180 °C sonder ’n deksel in die oond totdat die bolaag goudbruin en gaar is en ’n dik sous onderin gevorm het.
  •  Laat staan dit vir 10 minute en sit dan voor.

Leave a Reply

Your email address will not be published. Required fields are marked *

%d bloggers like this: