Kriminele gaan nie met vakansie in die feestyd nie. Enigiemand staan die kans om beroof of gekaap te word. Hier is ’n paar wenke oor motorveiligheid vir die feesseisoen.
- Hou jou motordeure gesluit en jou vensters toe wanneer jy bestuur.
- Parkeer in goedbeligte gebiede, verkieslik met wagte aan diens.
- Maak seker dat alle waardevolle items veilig toegesluit is en nie sigbaar is nie.
- As iemand na jou motor toe geloop kom, moenie jou venster oopmaak nie. As die persoon hulle agterdogtig wek, ry eerder weg.
- As jou ’n rooi verkeerslig nader, ry stadiger sodat jy dit eers bereik as die lig groen word, veral snags.
- As jy agter ’n voertuig stop, hou ’n halwe voertuiglengte voor jou oop, sodat jy in ’n noodgeval kan wegkom.
- Vermy om laat in die nag en in die vroeë oggendure in onbekende gebiede, wanneer die paaie stil is, te ry.
- Kyk altyd in jou truspieël om te sien of jy gevolg word. As jy vermoed jy word gevolg, ry na jou naaste polisiekantoor of na ’n veilige openbare area.
- As jy gekaap word, moenie die kapers teëstaan of uitdaag nie. Doen presies soos aan jou gesê word. Gee jou voertuig prys en beweeg so vinnig as moontlik weg.
