Sappige gevulde hoender is ideaal vir mense wat lief is vir basiliekruid, maar dit kan maklik vervang word met gerasperde kaas in die plek van die pesto vir dié wat kieskeurig is.
Bestanddele:
- ¾ koppie ongekookte rys
- ½ koppie gekapte tamatie
- ¼ koppie pesto
- ⅛ teelepel sout
- 8 hoenderborshelftes, sonder vel of been
- 2 eetlepels olie
Metode:
- Voorverhit die oond tot 190°C. Kook rys volgens die aanwysings op die pakkie.
- Meng tamatie, pesto, sout en rys in ’n klein bakkie. Sny ’n gleuf horisontaal in die dikste deel van elke hoenderborsie. Vul elk met 3 eetlepels rysmengsel. Steek toe met tandestokkies.
- Verhit een eetlepel olie in ’n groot kastrol op medium hoë hitte. Braai hoenderborsies aan elke kant, en voeg ekstra olie by indien nodig. Plaas dit oor op ’n gesmeerde bakplaat.
- Bak vir 18-22 minute of totdat die hoender nie meer pienk is nie. Gooi tandestokkies weg voor opdiening.
