’n Vermeende bedrieër is in die sentrale sakekern van Kimberley deur die gemeenskap en die polisie in hegtenis geneem. Op Woensdag 4 Desember 2019 omstreeks 17:00 het drie vroue na bewering hulleself voorgedoen as personeel by twee bekende winkels in Kimberley.
Die polisie rig ’n waarskuwing aan die publiek om bewus te wees van die vroue wat in uniform geklee is en kentekens van klerewinkels en supermarkte vertoon en beweer dat hulle klante met personeelafslag kan help. Die verdagtes neem na bewering waardevolle goedere soos geld en handsakke van klante en stuur hulle in ’n winkelsentrum in terwyl hulle deur ’n bejaarde dame bygestaan word.
Die bejaarde verdagte ontsnap dan op een of ander manier saam met die ander twee verdagtes. Een van die vroulike slagoffers was wakker en vir die gemeenskap en die polisie om hulp geroep. Een 50-jarige vroulike verdagte is in hegtenis geneem terwyl die twee ander verdagtes steeds soek is.
Brig. Mohale Ramatseba, woordvoerder van die polisie, sê: “Die polisie het ’n wit VW Golf waarin die verdagtes gereis het, gekonfiskeer en het ook daarin geslaag om van die waardevolle artikels wat aan die twee vroulike slagoffers behoort, terug te kry. Die polisie het van die slagoffers se bankkaarte, selfone en handsakke se geld by die verdagte gevind, asook binne-in die VW Golf. Die verdagte sal binnekort in die hof verskyn.”
Enigiemand met inligting of ’n slagoffer van ’n soortgelyke misdaad is, kan lt.-kol. Msimelelo Beni by 063 691 0926 kontak.
