WES-KAAP. – ‘n Bejaarde man (72) is dood nadat hy en sy vrou gisteraand omstreeks 21:00 op die plaas Ronderug naby die Orionskraalpad buite Vanrhynsdorp aangeval is.
Lt.kol. Malcolm Pojie sê na bewering het vyf mans met balaklawas die plaashuis deur die agterdeur binnegegaan.
Die verdagtes het glo die egpaar vasgebind, die vrou in die badkamer toegesluit en is met die man na buite.
Die bejaarde man se liggaam is vanoggend vroeg deur sy vrou met ‘n steekwond aan sy nek gevind. Dit is nadat sy daarin kon slaag om die tou waarnee sy vasgebind was, los te sny.
Forensiese deskundiges het die toneel vir leidrade gefynkam.
Enigiemand wat die speurders met die moordondersoek kan help, word versoek om na vore te kom en die Stop Misdaad-nommer by 08600 10111 te bel.
Bron: SAPD
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel
