Die privaat sekuriteitsmaatskappy, Fidelity, het gewaarsku oor die toename in ontvoerings in Suid-Afrika vanjaar met meer as 3 600 gevalle wat in die laaste kwartaal aangemeld is.
Volgens SAPD-statistieke is 3 641 ontvoeringsake in Suid-Afrika tussen April en Junie 2023 aangemeld.
Gauteng het die meeste gevalle, dan KwaZulu-Natal en Mpumalanga. Die Noord-Kaap en Vrystaat het die laagste aantal gevalle aangeteken. Die gevaarplekke in Gauteng is Vosloorus, Thembisa, Midrand, Protea en Orange Farm.
In KwaZulu-Natal is die gevaarplekke Umlazi, Inanda, Durban Central, Pinetown en Ntuzuma.
Belangrike wenke om jouself te beskerm:
- Moenie duur juwele of ander items in die openbaar dra nie
- Verander jou roetine en die roetes wat jy ry
- Moenie met vreemdelinge praat nie
- Wees altyd bedag op jou omgewing, veral wanneer jy jou huis verlaat of binnegaan
- Beveilig jou huis met elektriese heinings, beligting en CCTV-kamerastelsels
- Trek aandag as jy bedreig voel
Bronne: BusinessTech, The Citizen, Rate Web
