Twee borge bied ‘man of the match’ geskenkbewys ter waarde van R50 000

Twee borge van die Absa Wildeklawer-rugbytoernooi, Dugads en WeBuyCars, bied ‘n “man of the match” motorafslag-geskenkbewys aan die speler wat die toernooi gewen het (Player of the Tournament).

Die geskenkbewys is vir R50 000 afslag op enige voertuig wat op WeBuyCars se vloer staan. Dugads dra 40% by tot hierdie afslag en WeBuyCars dra die oorblywende 60%.

Jaco Dames en Danie Botma is van Dugads en hulle help WeBuyCars om namens hulle by skole te bemark.

Die enigste voorwaardes verbonde aan dié geskenkbewys is dat dit tot die einde van die jaar geldig is, en die voertuig moet op die leerder se naam geregistreer wees. Die leerder moet ook ‘n geldige rybewys hê.

“Hierdie outjies wat speel, maak nou klaar met skool, en gaan volgende jaar ‘n kar nodig hê as hulle gaan studeer. Jy kan ook ‘n scooter koop. As die outjie 17 jaar oud is, en hy wil volgende jaar self skool toe ry, en hy wil vir hom ‘n motorfiets koop, kan hy selfs die geskenkbewys daarvoor gebruik.”

Danie Botma van Dugads

Leave a Reply

Your email address will not be published.