Noodlanding van ligte vliegtuig buite Kimberley

‘n Ligte vliegtuig het na bewering vandag ‘n noodlanding gemaak ongeveer 5 km buite Kimberley.

Nooddienste is uitgeroep nadat dié vliegtuig in die veld gewaar is.

Die vliegtuig het diep in die veld geland, ongeveer 5km buite Kimberley, aan die buitewyke van Diskobolos.
Die vliegtuig het diep in die veld geland, ongeveer 5 km buite Kimberley, aan die buitewyke van Diskobolos.

André Joemat, waarnemende bestuurder van ER24 in Kimberley, sê nooddienste is oorspronklik uitgeroep na ‘n vliegtuig wat geval het.

“By die toneel aangekom, het ons bevind dit was nie ‘n ongeluk nie, maar moontlik ‘n noodlanding. Niemand is beseer nie.”

Nooddiens-personeel moes diep in die veld inry, maar kon nie by die vliegtuig uitkom nie. Twee insittendes van die vliegtuig is na bewering deur ‘n helikopter opgetel.

Lt.-kol. Dikamatso Mooi, polisiewoordvoerder, het die voorval bevestig. “Die polisie ondersoek geen saak nie. “Niemand is beseer nie. Dit was ‘n noodlanding van ‘n privaat-vliegtuig.”

Leave a Reply

Your email address will not be published. Required fields are marked *

%d bloggers like this: