Reg of weg met prefekte in laerskool

Ope brief van ’n bekommerde mamma.

“Wie van jou vriende weet of jy Hoofseun of Hoofmeisie was? Dit is glad nie meer van belang as jy ’n volwassene is nie. Maar vir Laerskool leerders is dit die wêreld.

Hoop en teleurstelling

Eers hoop en bid jy dat jy op die kortlys kan kom, daarna hoop jy dat jy tog net een van die uitverkorenes kan wees. Wat ‘n teleurstelling as jy nie is nie.

Is al hierdie trauma, hartseer en teleurstelling werklik nodig? Alles mens-gemaakte idees wat kinders met “emotional scars” los? Of is als die moeite werd vir die elite groepe wat dit wel maak?

Nie goed genoeg nie

My kind het weke voor die tyd gesê hy hoop hy gaan prefek wees en baie daaroor gebid. Dankbaar was ons toe sy naam op die kortlys verskyn. Nou is dit weer die spanning om te hoor of hy wel prefek is. Groot is die teleurstelling toe hy nie prefek is nie.

Ek weet mens moet leer hoe om teleurstellings te verwerk, maar hoe verduidelik jy vir jou kind met trane in sy oë dat die Here nie sy gebed verhoor het nie? Hoe verduidelik jy dat al sy vriende verkies is tot prefekte maar hy die uitgeslote een is? Hoekom was sy boetie as leerlingraad verkies en hy nie?

Hy voel hy is die een wat net nooit goed genoeg is nie! Nooit goed genoeg om deel te wees van die 1ste span rugby of 1 ste span krieket nie. Net goed genoeg vir reserwe van die 1ste span as hulle iemand kort. Nie goed genoeg vir prefek, nie maar wel goed genoeg, as die Juffrou iemand betroubaar soek.

Baie geluk aan die 10% wat wel tot prefek verkies is. Julle kan trots wees op julself.

Is dit die moeite werd?

Nou vra ek myself af of die 90% wat nie deel vorm van die leerlingraad nie en wat altyd alles net-net mis en nie mee in homself glo nie, is dit die moeite werd? Is dit die moeite werd dat 90% van ons kinders se seIfbeeld daaronder moet lei sodat 10% se selfbeeld “geboost” kan word? Gewoonlik is dit maar die sportsterre en “cool” kinders wat gekies word tot prefek. Het hullle selfbeeld werklik nog ’n “boost” nodig? Is dit die laaste strooi wat die kameel se rug laat breek? Is dit hoekom kinders nie meer die druk van vandag kan hanteer nie? Omdat hulle voel hulle is net nooit goed genoeg nie?”

5 thoughts on “Reg of weg met prefekte in laerskool

  1. Leerlingraadverkiesings op laerskoolvlak is niks anders as “popularity contests” nie waar, soos jy tereg sê, die cool kids gekies word selfs al toon hulle nie werklike leierseienskappe nie.

  2. Jou kind mag dit nie gemaak het as prefek nie. Leer hom asb om n goeie leier te wees wat kan volg. Ek het arm groitgeword met ouers wat nie die skool funksies kon bywoon as gevolg van werksure en vervoer nie. Toe ek wel tot hoifmeisie verkies is het die afguns van die ander kinders my so seergemaak dat ek persoonlik my kinders se name van kortlyste laat verwyder het. Dit is baie makliker om getrou te volg as om almal se kritiek te verdra.

  3. Leerlingraad/uitvoerende kommitees is al jare lank aan die gang.
    Ek was onderhoofdogter in st5 en toe verhuis ons is st8… Toe was ek nie eers op die leerlingraad gewees in matriek nie.
    Al my maats was, maar tog moes ek ‘deal’.
    Kinders word te veel opgepiep deesdae.
    Ek maak my kinders nou al so groot dat hul weet dat mens nie alles in die lewe kan kry nie en dat daar teleurstellings gaan wees.
    Dis nie lekker om hul so te sien nie, maar maatjies begin ook jou kind label as n ‘jannie jammergat’. Selfbejammering en ander mense ontneem van hul prestasie is nie die antwoord nie.

  4. Dit is iets om voor te werk en behoort nie net aan die “elite” nie. In n paar geslagte is my dogter die eerste om op n leerlingraad te verskyn. 6 jaar se harde werk. My seun is van n ander materiaal. Hy sal seker nie eers n kort lys haal nie. Hy gaan ook defnitief nie hom dood huil daaroor. Ek het ook nie. Ander mense het gesondheid probleme en ander finansiele probleme. Dit is die realiteit van hierdie lewe. Al ons gebede gaan nie altyd volgens ons wil nie maar die Here het vir elkeen iets anders bestem. So dus kan my seun met n geruste hard weet dat God hom liefhet al is hy nie op n leerlingraad nie. Ek het nooit oor leerlingraad gepraat voor die bekendmaking nie al het ek in my hart geweet my dogter sal dit haal. Nie oor wie ek is of oor hoeveel ek die skool instop nie, maar oor wie sy is en wat sy vir die skool beteken. Ons almal kan nie president word, ons almal kan nie ingenueers word nie, ons almal kan nie Springbok speel nie, maar ons almal kan dit geniet wat goed is in ons eie lewens en die om ons.

  5. “Kimberliet verower internasionale skoonheidstitel” is n ander skrywe van Tania.

    Kan die twee nie bymekaar sit nie.

    Wat van die duisende dogtertjies wat droom om mooi te wees of om gekroon te word met n Titel?

    Wat van die duisende seuntjies wat droom om eendag n sportheld te word?

    Hoekom dan kompeteer op atletiek veld?
    Hoekom dan wenners hê vir kuns kompetisies of redenaars?

    Stem met Ilze en Hugo.

    Dit is hoe ouers hul kinders voorberei op die uitdagings en teleurstellings van die lewe.

    Die wêreld is vol “politiek” en teleurstellings en hoe vinniger mens leer om dit te hanteer, hoe beter is dit

Leave a Reply

Your email address will not be published. Required fields are marked *

%d bloggers like this: